Entre o 18 de xullo e o 29 de agosto, grazas á promoción e organización do Museo Etnolóxico, poderemos gozar no Local Social da Madalena en Ribadavia da exposición: "Barriga verde, de feira en feira" producida pola Asociación Cultural Morreu o Demo.
A exposición mergúllanos no fantástico mundo no que naceu Barriga Verde, o último monicreque popular galego. Convídanos a percorrer o mundo no que se desenvolveu este espectáculo, o das feiras tradicionais, acontecemento festivo por excelencia en Galicia até a
década de 1960. Así mesmo, condúcenos polas bambalinas da barraca para coñecer os segredos dos artistas que fixeron posíbel a maxia destes títeres até a súa desaparición, case ao mesmo tempo que aquelas feiras que aínda lembran as persoas maiores, de cando o cinema e a televisión aínda non eran as principais fábricas de soños.
Producida pola Asociación Cultural Morreu o Demo, embarcada no proceso de preservación e activación do teatro de títeres popular galego, a exposición inclúe pezas orixinais de José Silvent, un dos creadores de Barriga Verde.
AVISO URXENTE: POR MOTIVO DAS ACTIVIDADES DA FESTA DA ISTORIA NO LOCAL SOCIAL DA MADALENA ADIANTO DO PECHE DA EXPOSICIÓN PARA O DÍA 25 DE AGOSTO
Horario do Local social da Madalena:
Martes a venres 12:00 a 14:00 h. / 18:00 a 20:00 h.
Sábados e domingos de 12:00 a 14:00 h.
Pechado: festivos 25 de xullo e 15 de agosto
Martes a venres 12:00 a 14:00 h. / 18:00 a 20:00 h.
Sábados e domingos de 12:00 a 14:00 h.
Pechado: festivos 25 de xullo e 15 de agosto
Folleto da exposición:
No hay comentarios:
Publicar un comentario