Museo Etnolóxico Ribadavia

Museo Etnolóxico Ribadavia
Vista do patio interior do Museo

jueves, 29 de junio de 2017

Conversa no Museo con Xoel Rodríguez Martínez: "Relacións entre Galicia e as Illas Británicas a comezos da Idade Media"

                                                
                                                    Conversa no Museo Etnolóxico:

               "Relacións entre Galicia e as Illas Británicas a comezos da Idade Media"
          con Xoel Rodríguez Martínez bolseiro da Xunta de Galicia no Museo Etnolóxico
                                                           xoves 29 de xuño ás 20.00 h



Xoel Rodríguez Martínez falaranos este xoves 29 de xuño ás 20:00 horas das relacións que houbo entre o noroeste peninsular e as Illas Británicas a comezos da Idade Media. Na súa conversa, «Relacións entre Galicia e as Illas Británicas a comezos da Idade Media», aproximaranos a temas como as relacións comercias, a literatura artúrica ou os cruzados en Compostela.


Xoel Rodríguez Martínez é bolseiro en formación en catalogación de patrimonio moble galego pola Xunta Galicia no Museo Etnolóxico dende xullo do 2017. Tamén estivo como bolseiro no Museo Massó de Bueu e no Museo das Peregrinacións e de Santiago.
O seu traballo fin de máster no Máster en Estudos Medievais Europeos da Universidade de Santiago de Compostela versou sobre as relacións entre Galicia e o mundo británico na Alta e Plena Idade Media. O traballo, dirixido por José Miguel Andrade Cernadas, centrouse nas relacións comercias, artísticas e literarias entre ambos os dous territorios a través de testemuños como os “immrama” irlandeses, os peregrinos ingleses ou a materia artúrica.


viernes, 9 de junio de 2017

Exposición temporal: "Xosé Vizoso. Carteis 1970-2016



Exposición temporal: "Xosé Vizoso. Carteis 1970-2016" organizada polo Museo Etnolóxico, poderá verse no local social da Igrexa da Madalena do 10 de xuño ao 10 de xullo.

Horario:    
Martes a Venres: 12 a 14 h e 17 a 19 h
Sábados e Domingos: 11,30 h a 14 h
Luns e festivos pechado 




 
Xosé Vizoso (Mondoñedo, 1950). No Bacharelato tivo de profesor ó escultor valenciano Juan Puchades, que estimulou nel a vocación polas artes plásticas. Pasou en 1968 a Sargadelos, onde contou co maxisterio de Díaz Pardo. Creou decenas de pezas de cerámica, deseñou centos de libros e ilustrou moitos deles; é autor dun cento de carteis de festas, congresos, etc. Escenógrafo. Pintou grandes murais, e deseñou e montou diversas exposicións. Unha mostra da súa arte e da súa tenrura cos cativos pode verse nas ilustracións do libro CANTOS DE SOL A SOL e outros de Xosé Neira Vilas.

"Os carteis de Vizoso van moito máis alá dun anuncio, da noticia dunha festa, da información de urxencia sobre un evento social ou cultural. Non son carteis para ver dun saque e seguir, senón pezas artística para contemplar con lecer, con delectación estética. Non son para persoas apuradas senón para analizar en detalle con ollada inevitablemente admirativa", parte do texto que Neira Vilas fai sobre o artista e a súa obra no catálogo da exposición.

viernes, 2 de junio de 2017

Programación Museo Etnolóxico xuño 2017


02/06/2017  venres  



20:30 h: presentación do libro «Arístides de Sousa o Schindler portugués» de Vicente Piñeiro. 
Acompañarán ao autor na presentación Clodio González Pérez e José Ramón Estévez.






 06/06/2017 martes 

20:00 h: «Alma. Un sopro de aire fresco» de José Lorenzo Tomé. Acompañarán ao autor na presentación Alberto Sucasas e José Ramón Estévez




 08/06/2017 xoves 
  
20:00 h: conversa no Museo Etnolóxico «O lagar lítico de Santa Luzía, Astariz: produción de viñono Ribeiro en época romana» con Fermín Pérez Losada; profesor titular de Arqueoloxía da Universidade de Vigo e director da intervención arqueolóxica no Castro de Santa Luzia (Astariz, Castrelo de Miño) 
16/06/2017 xoves 
 
20:00 h: conversa no Museo Etnolóxico «Aqueoloxía en Ribadavia. 1998-2017» con Manuel García Valdeiras, arqueólogo municipal de Ribadavia dende o ano 2000.

22/06/2017 xoves 
20:00 h: conversa no Museo Etnolóxico «Ramón María Aller: o seu legado científico e a Casa Museo de Lalín» con Cecilia Doporto Regueira; directora do Museo Municipal Ramón María Aller Ulloa.
29/06/2017 xoves 
20:00 h: conversa no Museo Etnolóxico «Patrimonio Histórico: relacións coas Illas Británicas» con Xoel Rodríguez Martínez; bolseiro do programa de formación en patrimonio moble galego do Museo Etnolóxico.